2023-07-10, Rebecca

2023-07-10 ARK GAB-RAD

Tanggapin ninyo ang pag-ibig at biyaya na nagmumula sa iisang kapangyarihan ngayon at magpasawalang hanggan.

Sa bawat sandali na dinadama ng tao ang kaganapan ng buhay na kaniyang nilalakaran nalalarawan ang isang kahayagan na ang buhay ay ipinapaloob sa marami ngunit iba’t ibang sitwasyon na magbubukas ng isang kaunawaan upang ipakilala may naipon siyang yaman ng tunay na buhay.

Sa ganitong panimula hinihikayat ko kayo na magmunimuni, gumawa ng isang pagdidili-dili upang mahayag kung mayroon na kayong nakilala na dapat pahalagahan na siyang pagmumulan ng pag-ibig at pananampalataya.

Kung gayon, ang diwa ng bawat salita na aking sa inyo’y ihahatid ay maghahayag ng iba’t ibang uri ng sitwasyon na hihingin kung paano ninyo ito isasabuhay, kung saan ninyo ilalagay at pipiliin ang kanyang magiging wakas.

Bilang pasimula, lahat kayo ay nag-aaral na may layunin sa inyong sarili, at ang layuning ito ang siyang daan na inyong lilinisin sapagkat doon kayo tatahak upang may marating. Kung gayon, ang pagdidili-dili ay ilalagay sa ganitong katanungan, ano ang karapat-dapat na maging wakas at hantungan upang ang inyong nadama sa bawat inyong nakilala at pinahahalagahan ay naroroon laging kakambal nito ang pag-ibig at pananampalataya na isinasandig ninyo sa Panginoon.

Kung ito’y inyong masumpungan damhin ngayon ninyo kung ano ang nadala ng inyong puso sapagkat sa dala-dala ng puso’y iyon ang inihahayag ng kanyang pagkatao, iyon ang larawang kaniyang ipinatatanaw sa sandaigdigan.

Kung iyon ngayon ang siyang magiging kaganapan, muli ko ngayong uulitin na, sa inyong pagmumunimuni’y saan ninyo ito dadalhin? Ano ang kailangang maging wakas at maging hantungan ng bahaging ito na naging dala-dala ng inyong puso?

Iyan ngayon ang susukat at tataya kung sa inyong pag-aaral naabot na ninyo ang lalim ng kanyang simulain. Iyan din ang susukat at tataya kung nabigyan na ninyo ng bigat ang bawat katotohanang nasumpungan ninyong sa inyo ngayon ay nagpapalaya sa tali ng maling paniniwala. Samakatuwid, diyan magiging mahalaga ang pagkilala upang mayroon kayong pahalagahan sa inyong buhay.

Kaya nga, ang araling aking sa inyo’y iiwan, na, siyang pangungusap ng pag-ibig na sinalita ng Panginoon, “Kung ibig ninyong sumunod sa akin pasanin ninyo ang inyong krus, at sumunod kayo sa akin.” Ito rin ay bahagi ng pagtaya.

Kung kayo ngayon ay mag-iibig na sumunod sa Panginoon, ano ang inyong magiging hantungan? Ano ang kinakailangang wakas na madama ng inyong buhay upang kayo’y mangusap, “tunay nga na ito ang Panginoong nagbigay ng halimbawa upang ang kaligtasan ay matamo ng bawat kaluluwa.”

Ito ang liwanag na aking sa inyo’y inihahasik upang sa patuloy ninyong pakikipamuhay madama ninyong sa bawat pangyayari doon ngayon hinuhugot ang katangian at kaangkinang nasimpan ng inyong mga Espirito.

Muli’y tanggapin ninyo ang pagibig at biyaya mula sa iisang kapangyarihan ngayon at magpasawalang hanggan. Arkanghel Gabriel,paalam

Centro Ilaw ng Sanlibutan

Talaytayan,Kapatid Rebecca Dungo

Comments

Post a Comment

Popular posts from this blog

2023-11-27, Rebecca

2023-11-27 ARK RAF-RAD Liwanag ng Espiritu Santo ang sumainyo ngayon at magpasawalang hanggan. Kung ang Panginoon sa inyo ngayon ay makikisalamuha at may iiwan na dakilang biyaya, kayo kaya ay magpapaubayang buo at ganap, o ang magiging bahagi, may kulang sa sandali ng pagtanggap? Ito ang paghuhulugan ng aking sa inyo ay araling ihahandog upang maunawaan ng bawa’t isa kung paano ihahanda ng bawa’t tao ang kaniyang katauhan upang ipadama at ipakilala walang alinlangan mayroon siya ng pinananaligan na iisang Diyos at iisang Panginoon. Dito ngayon ay i-uugnay ang katitikan ng Banal na Aklat na naghayag na kailangang iwan ang 99 upang hanapin ang 1 nawawala, sapagka’t ito ang magiging kabuuan ng 100. Samakatuwid, kung ang pagkakataong ito ang siyang kahayagan ng 99 na ang ipinahihiwatig may isang kailangang hanapin ang bawa’t isa upang mabuo ang aralin ng tunay na buhay na sa pagtanggap ay madaramang buong-buong ibinibigay at inihahandog ng Ama at ng Panginoon ang...
Read more

2016-02-02, Rebecca

2016-02-02, PRO ISA-RAD Ang tanglaw ng liwanag, pag-ibig at kapayapaan ang lumukob sa inyong mga puso ngayon at magpasawalang hanggan. Mga anak ng Diyos, kawangis at Kanyang kalarawan Tatawagin ko kayong mga Anak ng Diyos upang madama ng bawa’t isang hindi kayo kulang at salat sa mga katangian at kaangkinang ipagiging dapat sa kabanalan kundi kayo ay buo sapagka’t kayo ay kawangis at Kanyang kalarawan. Bilang kawangis at kalarawan ng Diyos bubuuin ninyo at sisikhaying ihayag at ihantad ang mga kaangkinang mula sa simula ay dala na, taglay-taglay na, bahagi na ng nakatago upang mula doon ay siyang magpagunita at siya ngayong inyong maging gabay. Kalayaang walang gapos ngunit nakatali Ito ang lalakaran mo, Kaluluwa, Laman! Ito ang ititindig mo, kabuuan ng isang Espirito! Sapagka’t, iyon ang iisang batas na lalakaran, na; naroroon ngayon ang karapatan upang ang lahat ay kumilalang malaya ka, nasa iyo ang kalayaan upang gumalaw, nasa iyo ang kalayaan upang um...
Read more

1981-1994, Koleksyon - Geronimo de Guia

Image
                1994-07-20, RAD Kapayapaan buhat sa mga langit ang sumainyo ngayon at hanggang sa wakas. Upang buhayin ang inyong kasiglahan tungo sa isang maunlad at maaliwalas na buhay, na dahil dito hindi sapat na kayo ay maging katulad ng isang magaang na papel na sa pag-ihip ng hangin ay tinatangay at pagkatapos ay binabagsak kung saan. Hindi rin sapat na kayo ay maging katulad yaon yagit na sa pag-agos ng tubig ay tinatangay upang dalhin doon sa, kung hindi sa bawat bahagi ng kaalamang sa inyo ay ibinibigay, dalhin ninyo at kinakailangan mayroon ng mabuhay upang pagkatapos ay madama ang kahalagahan ng kamatayan. At sa isang sandaling madamang mahalaga pala ang lahat ng ito sapagkat naroroon ang pagpapasimula ng kanyang paggawa na mayroon magiging kabuuan sa silahis ng liwanag ng kinakailang na mataglay ng isang kaluluwa mayroon ng mga paang hahakbang, lalakad, hahanap ng kanyang tahanan. Dahil dito, kung ang iyan...
Read more